تابرات ئي توات

للشاعر المنشد عمر بن سليمان بوسعدة

يلّه ايتما ا نسّيليت اغلان

ف تغروين-نغ ويجي س ويوال

س تيديوت اتّاڒا ادنر وسان

ويجي س غرت ويجي س وندال

ازوني ئي لاّن يتواري غفنغ

اتنّچ نشنين ئي وزوني ن وخدام

تانميرت اسّ-و تلاّ دجنغ

سانّيلي ول نتيّلي س ئكودام

وي خسن اديالي غرس ئجنوان

وي خسن تامورت اديدج ئزوران

تيرزي تزهل ف وصتشي ن ئموران

ؤسّان ن تمدورت نتنين اسشنان

تافوناست سي توسطن ابّيناسد لموسي

انّان تاضفي اوتنرڤيب اسّيس ؤلا بسّي

سي كنعن اسيّس اغي د تلوسّي

سرسند ايسومس همشنت د امنسي

اوال دامزان اديوش اهاتي

د ويوال امزان يوعر ف تييتي

اي يبها ويوال ئي نرين تايتي

اي يشتم ويوال س تسمين ئستي

مايلا وي الان ئخدم س ؤسغدي

ندولد اس-و نتاف اخدام د ؤصوضي

يجّد انڤوسي ئزمولن د وسّان

اسوسم-س دوال ئتّارا ف وغلان

ساغاتيلى تنيّ ن ربي دزازانغ

ساغانسّيلي ازعيم دسات نغ

د وي عزمن اتنج ادسيفاو غفنغ

اتّرني اسنيّ تامّلا غرنغ

 

المصدر : انثولوجيا الأدب المزابي ⵉⴷⵓⵔⵔⴰⵏ ⵏ ⵜⵙⴻⴽⵍⴰ ⵜⵓⵎⵥⴰⴱⵜ‎